Gazeta Reporteri.net pak më parë raportoi se Krimet Ekonomike të Policisë së Kosovës po kryejnë një aksion inspektimi dhe bastisje në depon kryesore të “Viva Fresh Store” në dalje të Prishtinës.

Dyshohet se edhe ky rrjet i njohur i marketeve në Kosovë tash e sa ditë ka mashtruar klientë të saj me rritjen e çmimeve të vajit dhe heqjen e produkteve nga raftet e marketeve me arsyetimin sa ka mungesë të tyre.

Dyshimet për mashtrim me çmimet e vajit, Policia po bastisë depon kryesore të Viva Fresh Store

Lexo edhe:

Osmani e Begaj në Vatikan, bashkë me Kardinalin Ernest Simoni dhe prijësit fetarë shqiptarë bëjnë homazhe për Papa Françeskun

Hoti: Familjet e personave të zhdukur janë ende në luftë me Serbinë

Video virale e Q8-it në sheshin e Prishtinës, policia gjen dhe gjobit shoferin pas publikimit të Gazetës Reporteri

Nga Zyra e Prokurorit të Shtetit dhe Policia e Kosovës kanë thënë për Gazetën Online Reporteri.net se do të ndërmerren të gjitha veprimet ligjore penale ndaj të gjithë personave përgjegjës të organizatave të biznesit që ushtrojnë veprimtari ekonomike duke keqpërdorur pozitën monopoliste në treg.

“Zyra e Kryeprokurorit të Shtetit, njofton opinionin publik se Prokurori i Shtetit në bashkëpunim me Policinë e Kosovës si dhe organet tjera kompetente, përkatësisht Inspektoratin e Tregut do t’i ndërmarrë veprimet ligjore penale ndaj të gjithë personave përgjegjës të organizatave të biznesit që ushtrojnë veprimtari ekonomike duke e keqpërdorur pozitën monopoliste apo dominuese në treg, të cilët në mënyrë të drejtpërdrejtë apo të tërthortë ndikojnë në vënien e çmimeve të padrejta të shitjes së artikujve ushqimor apo që në ndonjë mënyrë tjetër të padrejtë rregullojnë çmimet e blerjes apo të shitjes së mallrave, siç parashihet me nenin 295 të Kodit Penal të Republikës së Kosovës, ku është paraparë dënimi me burg dhe me gjobë”, thuhet në përgjigjen e tyre për Reporteri.net.