Trajneri i Barcelonës, Xavi Hernandez ka lavdëruar sulmuesin gabonez, Pierre-Emerick Aubameyang pas paraqitjes së tij të djeshme kundër skuadrës së Osasunas.

Aubameyang shënoi golin e tretë të ndeshjes për Barcelonën, pas një pasimi të ish bashkëlojtarit të tij tek Borussia Dortmund, Ousmane Dembele. Në këtë formë sulmuesi ndihmoi ekipin e tij të fitoj ndeshjen dhe vazhdimin e serisë së rezultateve te suksesshme.

Angazhimin e ish sulmuesit të Arsenalit nuk la pa e vlerësuar lart trajneri blaugrana i cili tha se “Aubameyang është një dhuratë që ka rënë nga qielli”.

“Jam i entuziazmuar me Pierre-Emerick Aubameyang pas golit të tij në fitoren 4-0 kundër Osasunas”.

Trajneri katalonas e përshkruan sulmuesin si “një dhuratë që ka rënë nga qielli””, citohet të ketë thënë Xavi sipas Goal.com, përcjell Gazeta Online Reporteri.net.

Në fitoren e mbrëmshme të Barcelonës, përveç Aubameyang shënuan edhe Ferran Torres dy gola dhe Riqui Puig. Gjigandi katalunas aktualisht gjendet në pozitën e tretë në La Liga me 51 pikë pas 27 ndeshjeve të zhvilluara dhe ka 12 pikë më pak se lideri i tabelës Real Madrid. /Reporteri/