Sot dhe nesër do të zhvillohen ndeshjet e kthimit në kuadër të 1/16 së finales në Champions League.

Ndeshjet në program për sonte janë Ajax–Benfica dhe Manchester United–Atletico Madrid. Në të dy ndeshjet e para ekipet janë ndarë me barazime 2-2, përkatësisht 1-1. Kjo nënkupton se gjithçka është e hapur sa i përket mundësisë së ekipeve për kualifikim në fazën tjetër.

Nga ana tjetër, nesër janë në program dy ndeshje tjera, ku do të takohen Juventus-Villarreal dhe Lille–Chelsea. Në ndeshjen e parë, Juventus është ndarë 1-1 me Villarreal dhe ka një përparësi të lehtë, pasi ndeshjen e kthimit e zhvillon si vendës.

Ndërsa ndeshja tjetër është ajo në mes të ekipit francez Lille dhe atij anglez, Chelsea. Klubi londinez udhëton për në Francë me një epërsi prej 2-0 nga takimi i parë me shpresë se do të mund ta ruajë këtë rezultat dhe të kualifikohet për në raundin e radhës, megjithë problemet e shfaqura pas vendosjes së klubit në shitje nga Roman Abramovich.

Kujtojmë se javën e kaluar janë kualifikuar katër ekipet e para për në raundin e radhës. Ekipet e kualifikuara janë: Liverpool, Bayern Munich, Real Madrid dhe Manchester City. /Reporteri/