Gjykata Kushtetuese e Kosovës, sot ka konstatuar se ekipi negociator i kryesuar nga Shpend Ahmeti dhe Fatmir Limaj është i jashtëligjshëm, pasi që konstatohet se janë shkelur 5 nene të ligjit që rregullon kompetencat e dialogut.

Menjëherë pas këtij konstatimi të Kushtetueses ka reaguar Partia Socialdemokrate, e cila ka thirrur konferencë për media në orën 16:00, shkruan Reporteri.net.

“Sot, duke filluar nga ora 16:00, Partia Socialdemokrate mban konferencë për shtyp në holl të Kuvendit të Republikës së Kosovës. Në konferencë flasin nënkryetarët dhe deputetët Visar Ymeri dhe Dukagjin Gorani, lidhur me vendimin e Gjykatës Kushtetuese në lidhje me Ligjin për Dialogun. Ju ftojmë që të merrni pjesë”, thuhet në njoftimin e PSD-së. /Reporteri.net