Gazetari italian, Di Marzio, i cili njihet si ekspert i merkatos në Serie A, ka raportuar se mesfushori i skuadrës së AC Milan, Franck Kessie ka kryer testet mjekësore me Barcelonën.

Për një marrëveshje të mundshme të lojtarit dhe drejtuesve të Barçës është raportuar disa herë edhe nga gazetari italian, Fabrizio Romano, ku Kessie do të përfitojë rreth 6.5 milionë euro në vit.

Sipas asaj çfarë raportonte Milan News, drejtuesit e skuadrës së AC Milan i kishin ofruar të ashtuquajturit Presidente hiç më pak se 6.5 milionë, por që vullneti i lojtarit ishte të ikte nga Milan me kosto zero.

Mesfushori nga Bregu i Filidishtë numëron 95 paraqitje me fanellën kuqezi, ku ka shënuar 22 gola gjithsej.

Veç Kessie, edhe Donnarumma dhe Çalhanoglu kanë lëshuar skuadrën e Milan me parametra zero.

Franck Kessié has already completed his medical tests with Barcelona in Lugano, as reported by @DiMarzio. The verbal agreement has been reached days ago for €6.5m net guaranteed salary. 🔵🔴 #FCB

Official contracts will be completed in the coming weeks. Here we go soon ⏳ pic.twitter.com/3UeXHrfLnX

— Fabrizio Romano (@FabrizioRomano) March 21, 2022