Më 28 qershor 1989 me rastin e shënimit të 600 vjetorit të Betejës së Kosovës, “kasapi i Ballkanit”, Sllobodan Millosheviq kishte mbajtur një fjalim nacionalist.

Sipas vlerësimeve serbe, në këtë tubim kishin qenë të pranishëm rreth 2 milionë njerëz, numër ky që është kontestuar nga vlerësime ndërkombëtare.

Në tubim ishin të pranishëm pothuajse të gjithë udhëheqësit e ish RSFJ-së, me përjashtim të  përfaqësuesit të Kroacisë, Stipe Shuvar, shkruan Reporteri.net.

Ky fjalim i Millosheviqit, vlerësohet se ishte paralajmërimi i zbatimit të planit serbomadh të futjes nën kontroll gjithë Jugosllavinë, e çka përfundoi me kasaphanat serbe nëpër gjithë ish Jugosllavi deri në shpërbërjen definitive të saj.

Dymbëdhjetë vjet më vonë, pikërisht më 28 qershor 2001, ditën e kremtës së Vidovdanit, Millosheviq hyri sërish në helikopter. Kësaj radhe për t’u larguar përgjithmonë nga Serbia.

12 vjet pas fjalimit në Gazimestan, Millosheviqin e dorëzuan në Gjykatën Ndërkombëtare për krime Lufte në Hagë, ku edhe vdiq më 11 mars 2016.

Millosheviq që ndryshe njihet edhe si “Kasapi i Ballkanit”, vdiq në një qeli të Tribunalit të Hagës, pa e pritur përfundimin e gjykimit ku ngarkohej me akuzave më të rënda, duke përfshirë akuzat për krime lufte dhe gjenocid. /Reporteri.net