Pas fitores mbresëlënëse me rezultat përfundimtar 5:0 ndaj Burkina Fasos në stadiumin “Fadil Vokrri”, Kosova do të zhvillojë edhe një tjetër ndeshje miqësore, transmeton Reporteri.net.

Kombëtarja e Kosovës do të përballet me atë të Zvicrës më 29 mars, në stadiumin “Letzigrund” në Cyrih.

Ndërkaq, kjo ndeshje do të gjykohet nga gjyqtarët francezë, ku Ruddy Buquet do të jetë gjyqtari kryesor, teksa ai do të ndihmohet nga asistentët Benjamin Pages dhe Mehdi Rahmouni.

Zvicerani Stefan Horisberger do të jetë në rolin e gjyqtarit të katërt.

Ndërkaq, futbollisti me origjinë nga Kosova, Granit Xhaka do të luajë ndeshjen e tij të 100-të me fanellën e Zvicrës, ku tha se Kosova është kundërshtare e përsosur e tij në këtë përvjetor.