Trajneri i ri i Kombëtares së Kosovës, Alain Giresse ka folur sonte në konferencën për shtyp para ndeshjes miqësore me Zvicrën, ku atë e shoqëroi mborjtësi i krahut, Florent Hadërgjonaj, transmeton Reporteri.net.

Lojtari i skuadrës turke, Kasimpasa ka folur edhe për mardhëniet e tij me Xherdan Shaqirin, teksa tha se me të janë rritur bashkë dhe kanë shoqëri të ngushtë.

“Xherdanin e njoh që disa vite, jemi rritur bashkë. E kemi një shoqëri të ngushtë, e cila vazhdon të jetë ende edhe pse luajmë për dy shtete të ndryshme”.

Veç të tjerash ai tha se ka kur zgjedhur Kosovën ishte diçka që i kishte ardhur nga zemra dhe për këtë nuk është pishman.

“Gjithmonë kam thënë se kur kam zgjedhur Kosovën ishte diçka që më erdhi prej zemrës. Nuk jam pishman. Jam shumë i lumtur që e kam bërë këtë zgjedhje”, tha Hadërgjonaj.

Ndeshja ndërmjet Kosovës e Zvicrës zhvillohet nesër me fillim nga ora 18:00.