Një ditë para zgjedhjeve, Presidenti Meta ka një apel për shqiptarët.

Teksa përshëndet nga kafeneja e lagjes, Meta, pasi dekretoi datën 13 tetor për zgjedhjet lokale shkruan se shqiptarët duhet të rrinë sa më larg tensioneve dhe streseve.

Ai “thumbon” duke shkruar se jeta vazhdon edhe pas ditës së dielë, kur mazhoranca do të mbajë votimet.

Postimi i Metës:

“Të dashur miq!

Kënaqësi t’ju uroj nga lagjja ku banoj një fundjavë sa më të qetë për të gjithë ju, dhe sa më pranë familjeve tuaja e njerëzve të dashur të zemrës.

Po kështu sa më larg zhurmës, tensioneve dhe streseve. Të mos harrojmë se nuk ka vetëm të dielë, por edhe të hënë. Dhe përsëri kafen e mëngjesit do e pimë me njëri-tjetrin, me fqinjët tanë dhe miqtë tanë, pavarësisht nga idetë e ndryshme politike”, shkruan Meta.