Dje janë publikuar pamjet e arrestimit të Nuredin Dumanit. Raportohet se pas atentatit ai ka shkuar menjëherë në shtëpinë e tij me qira në Fier ku  sipas mediave shqiptare jetonte bashkë me një vajzë nga Kosova.

Nuredin Dumani, i njohur si “Hija” u arrestua pasi është përplasur me armë me disa persona në Elbasan.

Ai ka mbetur i plagosur në ngjarjen e e së martës, ku drejt një mjeti tip BMW u shti breshëri plumbash. Brenda automjetit u gjet një karikator i mbushur dhe 1.5 Litra benzinë.

Dumani dyshohet si autori i vrasjes së vëllait të Talo Çelës, Bujar Çela, si dhe katër të rinjve në Durrës.

Report Tv ka publikuar  videon e momentit të shoqërimit të bashkëjetueses së Nuredin Dumanit. Ajo shihet me pranga në duar, ndërsa futet në furgonin e policisë, ndërsa u shoqërua në komisarit ku dha dëshminë e saj.

Sipas Report TV, Nuredin Dumani dhe gruaja nga Kosova, jetonin së bashku në apartamentin në Fier, ku u kap i shumëkërkuari.