Në rast të përfshirjes së Amerikës në dialog, diplomati amerikan Philip Reeker raportohet se do të ketë rolin kryesor në ndërmjetësimin e dialogut.
Të pyetur se a do të jetë Reeker lojtari i Uashingtonit për zgjidhjen e çështjes së Kosovës, për mediat serbe janë përgjigjur nga zyra e Federica Mogherinit.
“Sipas mandatit të Asamblesë së Përgjithshme të Kombeve të Bashkuara, Përfaqësuesja e Lartë, Federica Mogherini është personalisht dhe plotësisht e angazhuar për të lehtësuar bisedimet mes Prishtinës e Beogradit”, u shpreh zëdhënësja e Mogherinit, Maja Kocijancic për gazetën serbe Espresso.rs duke shtuar: “Ne, natyrisht, mirëpresim çdo angazhim në mbështetje të dialogut të udhëhequr nga BE. BE po punon shumë ngushtë me Shtetet e Bashkuara në Ballkanin Perëndimor”. /Reporteri.net
