Pas rikthimit të tij në futbollin profesionist edhe një herë, mesfushori danez, Chrisian Eriksen ka shënuar gol me Brentfodin kundër Chelsea, përcjell Reporteri.net. 

Menjëherë pas shkëlqimit të tij me skuadren e Brentfordit, kanë nisur interesime nga klube në Premier League për të kryer shërbimet e lojtarit, në mënyrë që të transferojnë atë në afatin e verës.

Manchester United dhe Tottenham Hotspur raportohet se janë në garë për transferimin e mesfushorit danez.

Ish mesfushori i Interit po kalon formë të mirë me Brentfordin në Premierligë, pas rikthimit të tij pas arrestit kardiak që pësoi gjatë Evropianit të vitit të kaluar, shkruan Gazeta Express.

Eriksen u rikthye edhe te Kombëtarja e Danimarkës së fundmi, ku shënoi në dy miqësoret me Holandën e Serbinë në muajin e kaluar.

Dhe, sipas “Daily Mail”, 30-vjeçari tashmë ka tërhequr vëmendjen e Manchester Unitedit dhe ish-klubit të tij, Tottenham Hotspur.

Eriksen te skuadra e radhës mund të kalojë si lojtar i lirë, pasi kontrata e tij me Brentfordin skadon më 30 qershor.