Janë luajtur dy ndeshjet e ditës së sotme në Superligë të Kosovës, përcjell Reporteri.net.

Në kuadër të xhiros së 28-të, SC Gjilani e ka mposhtur bindshëm skuadrën e Drenicës.

Gjilani fitoi bindshëm me rezultat përfundimtar 5-0, ku një autogol i Shkëlzen Lushtakut i dha avantazhin skuadrës së Ismet Munishit, kurse Razak, Shkodra, Cale dhe Progni shënuan golat e tjerë.

E, trajneri i Gjilanit, Ismet Munishi ishte shumë i kënaqur me paraqitjen e futbollistëve të tij.

“Ne vazhdimisht kemi luajtur ndeshje të mira, sot gjithçka shkoi mirë për ne. Ne shënuam golat në kohë dhe performanca e lojtarëve ishte shumë e mirë. Do të luftojmë deri në ndeshjen e fundit, në çdo ndeshje do të shkojmë për fitore”, tha Munishi.