Skuadra e AC Milan së fundmi ka shumë telashe në sulm, në krahun e djathtë, ku që nga janari ata janë interesuar për lojtarë të ndryshëm në atë pozitë, përcjell Reporteri.net.

Drejtuesit e kuqezinjve dëshirojnë që në krahun e tyre të djathtë ta sjellin Domenico Berardin, por çmimi i kërkuar prej 30 milionë eurosh i Sassuolo është një problem.

Ylli i Sassuolos, Domenico Berardi është një nga kandidatët kryesorë për rolin e krahut të djathtë

Kuqezinjtë planifikojnë të bëjnë një nënshkrim të ri në atë zonë të fushës sepse Castillejo, Saelemaekers dhe Messias nuk kanë qenë në gjendje të japin numrin e nevojshëm të golave dhe asistimeve këtë sezon.

Berardi është i preferuari i trajnerit të Rossonerëve, Stefano Piolit, ku sipas Calciomercato ai ka kërkuar drejtuesve që ta transferojnë atë në afatin kalimtar të verës.

Kuqezinjtë u tronditën nga çmimi i kërkuar prej 40 milionë eurosh nga Sassuolo dhe në fund lojtari italian qëndroi në klubin Neroverdi.

Anësori i djathtë 27-vjeçar po kalon një tjetër sezon fantastik me Sassuolo-n. Domenico Berardi ka shënuar 14 gola dhe ka asistuar 14 të tjerë në 27 paraqitje në Serie A. Numrat që e bëjnë atë anësorin më vdekjeprurës që ka luajtur në Itali. Kuqezinjtë nuk e kanë humbur kurrë nga sytë Berardin dhe kanë hapur një raund të ri bisedimesh.

Këtë herë Sassuolo po kërkon një tarifë prej 30 milionë për yllin e tyre. Kontrata e Berardit skadon në dy vjet, kështu që ka shumë të ngjarë që ai të ndryshojë klub këtë verë.

Megjithatë, kjo shifër konsiderohet e lartë nga kuqezinjtë dhe arsyetimi pas këtij verdikti është i thjeshtë. Berardi së shpejti mbush 28 vjeç, ai do të ketë vlerë të ulët rishitëse dhe nuk ka luajtur asnjëherë në kompeticionet evropiane në karrierën e tij.

Megjithatë, AC Milan është i gatshëm të shpenzojë 30 milionë euro për Domenico Berardin por në kushte të caktuara.

Sassuolo duhet t’i japë Milanit të njëjtat kushte të favorshme që i ofruan Juventusit për Manuel Locatelli, raporton MilanNews.

Sassuolo ra dakord të shiste Locatellin te Juventusi në një huazim fillestar dy-vjeçar. Juventus do të nënshkruajë përgjithmonë Locatelli për 25 milionë euro. Sassuolo mund të marrë një bonus prej 12.5 milionë euro nëse plotësohen disa kushte./ON