Portieri i skuadrës së Modenas ka shënuar një gol të çmendur, gol ky i cili i solli fitoren skuadrës në minuta shtesë, përcjell Reporteri.net.

Riccardo Gagno shënoi gol të bukur pikërisht nga porta të cilën e mbronte, deri tek porta e skuadrës së Imoleses, me të cilët u ndeshen të shtunen.
Modena ka arritur të fitojë me rezultat të ngushtë 2-1 ndeshjen në shtëpi ndaj Imoleses në kuadër të javës së 36-të në Grupin B të Serie C.

Megjithatë, fitorja e vendasve erdhi vetëm në minutat shtesë, kur pritej që ndeshja ta mbyllej me barazim 1-1.

Ishte portieri italian, Riccardo Gagno, i cili shënoi një gol të pabesueshëm thuajse nga porta e tij, për t’ia siguruar tri pikët skuadrës së tij.

Kjo fitore e mban Modenan në vendin e parë kur kanë mbetur edhe dy ndeshje deri në mbyllje të sezonit.

Ky gol i Gagnos mund të jetë vendimtar që Modena të sigurojë ngjitjen në Serie B për sezonin e rij.

Modena’s Riccardo Gagna with the injury-time goalkeeper winner from the edge of his own box pic.twitter.com/ec1aQqZLJn

— James Dart (@James_Dart) April 9, 2022