Skuadra e njohur ukrainase, Shahktar Donetsk është paraqitur në fushën e blertë të shtunën, ku kjo ishte ndeshja e parë që ata zhvilluan, që kur Rusia ka nisur pushtimin e Ukrainës nga muaji shkurt, përcjell Reporteri.net.

Ata u pritën në Greqi nga Olympiacos, ku ndeshja ishte vetëm miqësore, por emocionuese, me qëllim që të iu dërgohet mesazh paqe Rusisë, ku në fanellë shkruhej “ndaleni luftën!”/

Olympiacos ishte mikpritës i klubit ukrainas në Greqi, ndërsa të dy ekipet luajtën një miqësore emocionuese të organizuar për të dërguar një mesazh paqeje, ku në fanella shkruhej “ndaleni luftën”.

Të gjitha paratë e mbledhura në Athinë do të dhurohen për gjëra humanitare dhe ndihmë në Ukrainë, ndërsa lodrat që u mblodhën do të dhurohen për fëmijët refugjatë.

Gjatë ndeshjes gjithashtu u mbajt edhe një minutë heshtjeje për të nderuar të vrarët në këtë luftë.

Olympiacos doli fitues në miqësoren falë golit të vetëm të Tiquinhos, por drejtori sportiv Christian Karembeu dhe homologu i Shakhtarit, Sergei Palkin, nënvizuan se rezultati ishte i një rëndësie dytësore.