Klubi spanjoll, Atletico Madrid është ndëshkuar si pasojë e akuzimit racor, përcjell Reporteri.net. 

Pas kësaj, UEFA ka njoftuar sot se në ndeshjen e ardhshme të Atletico Madridit ndaj Manchester Cityt do të mbyllë një hapësirë për tifozët në stadiumin e klubit nga Madrdi.

Ndëshkimi do të fillojë që nga ndeshja ndaj Manchester Cityt, të planifikuar për këtë të mërkurë për duelin e kthimit të çerekfinaleve të Champions League.

Si rezultat i këtij ndëshkimi nga UEFA,në këtë duel një pjesë e tribunave do jetë e mbyllur (5 mijë vende më pak).

Përveç kësaj, skuadra spanjolle do të ketë një pankartë me sloganin “Jo Racizmit” në ndeshjen e dytë kundër skuadrës angleze.