Zlatan Ibrahimovic, humbi një tjetër lojë vendimtare në sezonin e AC Milan mbrëmë dhe reflektimet janë duke vazhduar për të ardhmen e tij, raporton La Gazzeta dello Sport, përcjell Reporteri.net.

La Gazzetta dello Sport raporton se ai humbi barazimin 0-0 kundër Torinos për shkak të mbingarkesës në gju, gjë që i shton tendinopatinë dhe inflamacionin e tendinit të Akilit që ai ka pësuar tashmë këtë sezon

Gjëja më e habitshme është se asnjëra prej tyre nuk është shkaktuar nga një traumë apo një dëmtim i dukshëm në fushë, por më tepër janë produkte të lodhjes dhe përdorimit të tepruar të trupit të tij

Raportet vazhdojnë të mbërrijnë nga Milanello duke thënë se suedezi është i pari që arrin dhe i fundit që largohet, me orë e orë të tëra aktiviteti shtesë për një burrë që tashmë ka kaluar të 40-at. Në ditën e ndeshjes ai u përjashtua për të luajtur kundër Torinos me problemin e fundit në këmbën e tij të majtë pas pulpës, kofshës dhe gjurit.

Zlatan tani ka humbur 16 nga 41 ndeshjet totale të luajtura nga Milani këtë sezon dhe më pas ka disa ndeshje të tjera në të cilat ai luajti vetëm disa minuta.

Ndërkaq, ende nuk dihet se sa do të mungojë