Sonte me fillim prej orës 21:00 do të zhvillohet ndeshja ndërmjet skuadrës së Real Madridit si dhe asaj të Chelsea, në kuadër të Ligës së Kampionëve, përcjell Reporteri.net.

Kjo ndeshje është e vlefshme për ndeshjet çerek finale të Ligës së Kampionëve, ku do të jetë ndeshja kthyese, pasi që e para është luajtur javën e kaluar.

Në Angli skuadra e Los Blancos kishin triumfuar me rezultat 1-3, ku të gjitha golat për ta i realizoi Karim Benzema.

Para ndeshjes, në një konferencë për shtyp, tekniku gjerman i Chelsea, Thomas Tuchel ka thënë se kjo do të luajnë fizikisht më tepër në rast se duan të përmbysin rezultatin kundër Real Madridit.

Formacionet e mundshme:

Real Madrid: Courtois, Carvajal, Nacho, Alaba, Mendy, Casemiro, Kroos, Modric, Valverde, Vinicius, Benzema.

Chelsea: Mendy, Christensen, Silva, Rudiger, James, Alonso, Kante, Jorginho, Mount, Ziyech, Havertz.