Filip Kostic ishte ylli i shfaqjes pasi ekipi i tij mundi skuadrën katalane 3-2 për të kaluar në gjysmë finale të Europa Ligës, përcjell Reporteri.net.

Eintracht Frankfurt ka “rrëmbyer” Barcelonën dhe Lionel Messin duke përshëndetur Filip Kostic si “numrin 10” më të mirë që ka luajtur ndonjëherë në Camp Nou pas rolit të tij kryesor në fitoren e tyre 3-2 ndaj Barcelonës të enjten.

Skuadra gjermane rezervoi vendin e saj në gjysmëfinale të Ligës së Evropës duke mundur ekipin katalanas në terren për të siguruar një fitore të përgjithshme 4-3.

Kostic ishte njeriu kyç për skuadrën e Bundesligës, duke shënuar dy gola dhe duke vendosur tjetrin teksa kaluan në epërsi 3-0 përpara se Sergio Busquets dhe Memphis Depay të godisnin vonë për nikoqirët.

Frankfurt vlerësoi paraqitjen e reprezentuesit serb si më të mirë se Messi ndonjëherë në stadiumin e Barçës.

Klubi postoi në Twitter: “Ndoshta numri 10 më i mirë që ka parë ndonjëherë ky stadium…”

Ata postuan gjithashtu një video të Kosticit duke mbajtur fanellën e tij lart përpara turmës, duke i bërë jehonë një festimi ikonik të Messit pasi shënoi kundër Real Madridit.

Ndërkohë, portieri i Frankfurtit, Kevin Trapp, ishte i kënaqur me paraqitjen e skuadrës së tij dhe vlerësoi tifozët e klubit, të cilët dolën në numër të madh për të mbështetur ekipin e tyre në Barcelonë.

Ai tha: “Të gjithë menduan se do të vinim këtu dhe Barcelona do të na qëllonte nga stadiumi.

“Ne e dinim se do të vuanim shumë dhe se Barcelona do të kishte shumë zotërim të topit”, thotë ai.