Skudra e Llapit ka shënuar fitore të madhe në shtëpi duke e mposhtur Dritën me rezultat minimal 1-0.

Ndeshja e zhvilluar në “Zahir Pajaziti” u mbyll me fitoren e llapjanëve, që e mposhtën ekipin me të cilin do të përballen edhe në finalen e Kupës së Kosovës.

Goli i vetëm i ndeshjes u shënua herët në minutën e 11-të ku goditjen e Amadur e devijoi Prince Balde duke shënuar autogol, shkruan Gazeta Express.

Me këtë fitore, Llapi tani ngjitet në kuotën e 47 pikëve në vendin e katërt në tabelë.

Në anën tjetër, Drita ka humbur pothuajse tërësisht shpresat për titull të kampionit.

Gjilanasit aktualisht zënë pozitën e tretë me 52 pikë, pesë më shumë se Llapi dhe 11 më pak se lideri Ballkani.