Interi do ta pret skuadrën e Romës sonte në San Siro, ku do të jetë ndeshje mjaft me rëndësi për të dy skuadrat, shkruan Reporteri.net.

Ndeshja mes zikaltërve dhe kryeqytetasve fillon në orën 18:00.

Simone Inzaghit i mbetet vetëm një mungesë për përballjen e kësaj mbremjeje kundër Romës; Arturo Vidal është i padisponueshëm për shkak të një problemi në kyçin e këmbës.

Gjërat janë pak më të vështira në kryeqytetin italian pasi Jose Mourinho do të jetë pa Daniel Fuzato, Nicolo Zaniolo dhe Bryan Cristante. Ky i fundit vuan nga probleme fizike, ndërsa dy të parët janë pezulluar.

Interi dhe Roma janë takuar dy herë këtë sezon, një herë në Serie A dhe një herë në Kupën e Italisë. Nerazzurrët i fituan të dyja takimet, përkatësisht 3-0 dhe 2-0.

Formacionet e mundshme për Inter-Roma:

Inter (3-5-2): Handanovic; Skriniar, De Vrij, Bastoni; Dumfries, Barella, Brozovic, Calhanoglu, Perisic; Dzeko, Lautaro.

Roma (3-4-2-1): Rui Patricio; Mancini, Smalling, Ibanez; Karsdorp, Sergio Oliveira, Veretout, Zalewski; Pellegrini, Mkhitaryan; Abrahami.