Është gjetur trupi i pajetë i futbollistës shqiptare Florijana Ismaili e cila ishte zhdukur qysh nga e shtunja.

Zhytësit e zjarrfikësve kanë identifikuar trupin e pajetë të futbollistes shqiptare Florijana Ismaili, shkruan Reporteri.net

Gjetja, ashtu siç raporton Corriere di Como – u zhvillua në një zonë shumë të thellë të liqenit, jo shumë larg nga vendi ku u zhduk të shtunën e kaluar, në zonën e Musso. Trupi ishte në një thellësi prej 204 metrash.

Në internet dhe në mediat sociale, ofertat e ndihmës ishin shumëfishuar në orët e fundit, si dhe shprehjet e ngushëllimit ndaj familjes së 24-vjeçares.

Ekipi nga Superliga e Zvicrës, Young Boys donte t’u jepte atyre, përmes një video të botuar sot në Youtube, një zemër simbolike si një shenjë dashurie.