Blerim Latifi, këshilltar i kryekuvendarit Kadri Veseli thotë se nuk duhet marrë me shqetësime lajmin që ministri i Jashtëm spanjoll, Josep Borrell Fontelles është emëruar në krye të politikës së jashtme të BE-së.

Sipas Latifit edhe po të emërohej dikush me qëndrime pro Kosovës, gjërat nuk do të ndryshonin, shkruan Reporteri.net.

“Se di pse po e marrin me shqetësim lajmin që një spanjoll me qëndrime jopozitive për Kosovën është emëruar në krye të politikës së jashtme të BE-së. Edhe po të emërohej dikush me qëndrime pro Kosovës, gjërat nuk do të ndryshonin”.

“Brukseli nuk ka më asnjë kapacitet për të ndihmuar zgjidhjen e problemit Kosovë-Serbi. Sidomos tash që presidenti francez haptas tha se politika e zgjerimit të BE-së është braktisur. Fuqia e Brukselit është bazuar pikërisht mbi këtë politikë. Dikush që nuk ka më në duar as shkopin as karrotën, vështirë se mund të imponojë vullnetin e tij”, ka shkruar Latifi në Facebook. /Reporteri.net/.