Futbollistit Otto John të Prishtinës i është caktuar masa e paraburgimit prej 30 ditëve nga Gjykata Themelore në Prishtinë.

Kjo u konfirmuar nga avokati i tij, Egzonis Hajdari për Gazetën Express.

“Po, sot është mbajtë seanca për caktimin e paraburgimit. Gjykata Themelore në Prishtinë – Depertamenti i Krimeve të Rënda ka marrë Aktvendim me të cilin i caktohet paraburgimi në kohëzgjatje prej një muaj, deri me datën 06.06.2022”, u shpreh Hajdari.

Tutje, ai tha se do të dorëzojnë ankesë rreth këtij vendimi, që sipas tyre është i pabazuar.

Ne si mbrojtës konsiderojmë se kjo masë është e pa bazuar dhe për të cilën do të dorëzojmë ankesën kundër Aktvendimit brenda afatit ligjor prej 24h”, theksoi ai.

Nigeriani John është arrestuar me dyshimet se ka kryer marrëdhënie seksuale me një femër të trafikuar.