Kryeministri i Kosovës, Ramush Haradinaj është takuar sot me ambasadoren finlandeze, Pia Stjernvall.

Haradinaj ka thënë se përmes ambasadores filandeze, ka përcjellë zyrtarisht tek  Kryeministri i këtij vendi, kërkesën që  gjatë kryesimit të BE-së të sponsorizojë të drejtën e Kosovës në Këshillin e Ministrave, në mënyrë që t’i hapet rrugët liberalizimit të vizave për kosovarët.

“Ritheksova se rreshtimi i Finlandës me të drejtën tonë, për t’i dhënë fund izolimit të qytetarëve tanë, i sjellë BE-së një partner serioz si vlerë e shtuar në familjen e madhe europiane”, ka shkruar Haradinaj në profilin e tij në Facebook.

“Përmes ambasadores Stjernvall përcolla zyrtarisht kërkesën për Kryeministrin e Finlandës, Antti Rinne, që gjatë kryesimit të BE-së të sponsorizojë të drejtën e Kosovës në Këshillin e Ministrave, që vendi ynë ta marrë përgjigjen përfundimtare për procesin e liberalizimit të vizave”.