Presidenti i FIFA’s, Gianni Infantino, i ka dërguar letër Kryetarit të Federatës së Futbollit të Kosovës, Agim Ademit, përmes së cilës e ka uruar shpalljen e FC Ballkanit si Kampion të Superligës së Kosovës, shkruan Reporteri.net.

Ka qenë vetë klubi që ka publikuar letrën në faqen zyrtare në Facebook.

“I pari i shtëpisë më të madhe të futbollit në botë FIFA-së, uron Kampionin e Supërligës së Kosovës në futboll, klubin tonë BALLKANIN.

Presidenti i klubit bashkë me stafin dhe gjithë lojtarët falenderon përzemësisht Gianni Infantinon për urimin dhe premton se do të jetë gjithmonë në bashkëpunim me të gjithë për të mirën e zhvillimit të futbollit si në Kosovë ashtu edhe në Evropë”, thuhet në faqen e ekipit.

Në letrën e Presidentit të FIFA’s thuhet se “ky titull s’do të mund të arrihej pa gjithë mundin, pasionin dhe dedikimin e të gjithë ekipit, dhe secili në klub mund të ndihet krenar. Ju lutem përcjellni përgëzimet e mia te secili që është përfshirë në këtë arritje të madhe”./Reporteri.net