Shefi i Grupit Parlamentar të PDK-së, Abelard Tahiri, ka kërkuar në Kuvend që të shkarkohet menjëherë Bordi i Zyrës së Rregullatorit për Energji (ZRRE).

“Këta njerëz kanë dëmtuar më shumë se 450 mijë familje, kjo nuk duhet të tolerohet”, tha Tahiri.

Ai ka shtuar se deputetët e Kosovës nuk duhet të rrinë duarkryq pas vendimit të Apelit.

Nga ana tjetër nga LDK-ja kanë kërkuar kërkuar që qytetarëve t’u kthehen menjëherë mjetet që i paguan me tarifat e shtrenjta të energjisë elektrike.

Deputeti i LDK-së, Besian Mustafa në seancën e Kuvendit tha se do të kërkojnë përgjegjësi ligjore për “të gjithë ata që përkrahën tarifat joligjore”.

Apeli konfirmoi vendimin e Themelores, se vendimi për shtrenjtimin e tarifave të rrymës ishte i paligjshëm. Këtë ua kemi thënë sa herë, kudo. Por VV nuk dëgjonte, në fakt insistonin që tarifat e rrymës të rriteshin, të dyfishoheshin. Çka bënë e çka planifikuan të bënin me ato 120 milionë euro që i ndanë për rrymën. Tash gjithçka duket e qartë. E kanë kapë bordin dhe menaxhmentin e KEK, ZRE-në dhe oligarkët e lidhur me pushtetin kanë kompani që tregtojnë më rrymë në Kosovë. Kështu e mbyllën qarkun”, tha Mustafa.

Shefi i grupit parlamentar të AAK-së, Besnik Tahiri, tha ndërkaq se “një vepër e tillë duhet të ndiqet penalisht”.

“Vendimet antikushtetuese dhe antiligjore, të cilat Qeveria i mori dhe nuk dëgjoi as debatin parlamentar, as kërkesat e opozitës… Vendimi i fundit tregon që kërkesa jonë ndaj ZRRE-së për mosrritje të çmimit të rrymës është e drejtë. Keni nda 100 milionë euro që mund të shkonin në investime kapitale. Mbi këtë bazë dëmi shkon më i madh. Cili do të jetë veprimi i kthimit të parave të tarifave te qytetarët?”, tha Tahiri.