Presidentja e Kosovës, Vjosa Osmani ka shprehur ngushëllime për vdekjen e ish-presidentit shqiptar, Bujar Nishani.

Osmani është shprehur se Nishani ishte model i atdhetarit të pashoq që përfaqësoi Shqipërinë me dinjitet të lartë.

“Presidenti Bujar Nishani ishte model i atdhetarit të pashoq, i cili përfaqësoi Shqipërinë me dinjitet të lartë dhe përkrahu Kosovën pareshtur, deri në frymën e fundit.” Ka shkruar Osmani.

Sipas Osmanit ai një jetë të tërë ia kushtoi Shqipërisë dhe shqiptarëve, duke qenë shembull i politikanit racional e me integritet.

“Në emër të qytetarëve të Republikës së Kosovës, i shpreh ngushëllime familjes Nishani si dhe miqve e bashkëpunëtorëve! Shpirti i Presidentit Nishani pushoftë në paqe” ka thënë Osmani.

Bujar Nishani ndërroi jetë gjatë ditës së sotme. Ai ndërroi jetë në moshën 55 vjeçare.