Alain Giresse ka dhënë komentet e tij pas humbjes ndaj Greqisë.

Selektori tha se asgjë nuk shkoi sipas planeve të Kosovës dhe rastet e shpërdoruara patën vlerë në fund.

“Në këtë ndeshje gjithçka shkoi jo-ashtu siç deshëm. Në fillim të lojës humbëm disa raste, kurse në fund të lojës mbetëm me 2 lojtarë më pak dhe gjithçka shkoi kontra planeve tona”, ka thënë Giresse.

“Lojtarët mund të ishin të nervozuar. Kemi pasur vetëm dy lojtarë të ndryshëm nga loja e kaluar. Pastaj gjatë lojës tentuam zëvendësimet, mirëpo fatkeqësisht nuk u arrit. Sidomos pas përjashtimit të dy lojtarëve duhej bënim ndryshime. Fillimisht nuk është ndjenjë e mirë që të mungojnë dy lojtarë. Do të tentojmë të adaptohemi sa më mirë me lojtarët që kemi në dispozicion. Është vetëm fillimi. Janë dy ndeshjet e para nuk ka arsye të mos besojmë”, shtoi ai.