Një prej njerëzve më të pasur të botës, i cili së fundi ia ka mësyrë edhe blerjes së rrjetit social “twitter”, Elon Musk, ka risjellë në profilin e tij zyrtar të dhënat për shkallën e lindshmërisë në Shtetet e Bashkuara të Amerikës.

Musk thotë se niveli i lindjeve është më i ulëti në 50 vjet.

Ai tutje shkruan se dy vitet e fundit kanë qenë një “fatkeqësi demografike” për SHBA-në.

Derisa në komentet e mëhershme, Musk ka treguar se shumica e njerëzve që i njeh s’kanë fëmijë fare ose e kanë vetëm një. Musk thotë se sa më i pasur dikush aq më pak fëmijë ka.

“Ndryshe nga sa mendojnë shumë, sa më i pasur të jetë dikush, aq më pak fëmijë kanë.Unë jam një përjashtim i rrallë. Shumica e njerëzve që njoh kanë zero ose një fëmijë”, ka shkruar Musk në një koment të mëhershëm.

USA birth rate has been below min sustainable levels for ~50 years pic.twitter.com/v5PSLbvEAE

— Elon Musk (@elonmusk) May 24, 2022