Presidenti i AKR-së, Behgjet Pacolli, ka njoftuar se Agjencia Kundër Korrupsionit në Kosovë do t’ia kontrollojë pasurinë.

Ai e ka mirëpritur këtë vendim teksa shton se pasurinë e tij e ka fituar me punë e jo brenda natës.

“Sa mirë kur je i pastër si loti, e ke frikë vetëm nga Zoti. Sot me ra shorti i Agjencisë Kundër Korrupsionit për kontrollim të pasurisë. E mirëpres e shpresoj se do ta kuptojnë se pasuria krijohet me punë e jo brenda natës”, shkroi Pacolli në Facebook.

Postimi i plotë:

Ndryshe, Behgjet Pacolli është deputeti më i pasur që ka Kuvendi i Kosovës në këtë legjislaturë. Sipas formularit për deklarimin e pasurisë që ka deklaruar në Agjencinë Kundër Korrupsionit, pasuria e Pacollit sillet diku rreth 743 milionë euro.