Albin Kurti, kryeministër i Kosovës, ka thënë se nuk ka qenë kundër të gjitha marrëveshjeve me Serbinë.

Ai ka folur edhe specifikisht për marrëveshjen e energjinë me Serbinë, ku tha se “është marrëveshje e keqe”.

“Ajo marrëveshje nuk është e mirë dhe ajo që kemi bërë ne është një udhërryfyes i zbatimit që ka afate të caktuara”.

Sipas tij, kompanisë “Elektrosever” i është dhënë licenca me kushte të caktuara.

Kur u pyet se në të kaluarën një marrëveshje të tillë e ka konsideruar “tradhti”, Kurti tha se “i ka futur duart në baltë”, sepse sipas tij “pushtetet e kaluara e lanë pushtetin aty”.

Ai ka thënë se disa marrëveshje kanë qenë të mira – e që nuk i ka kundërshtuar të gjitha ato.

“Nostifikimi i marrëveshjeve ka qenë marrëveshje e mirë, por nuk është zbatuar kurrë”, ka thënë Kurti.

Kreu i ekzekutivit ka thënë se ka marrëveshje që i ka kundërshtuar por i zbaton.
“Çfarë të bëjë unë kur në Bruksel e vendosin fusnotën, unë e kam kundërshtuar para që të bëhet e kam kundërshtuar kur është konfiskuar, por të njehjen e sjellin në vitin 2022”, ka thënë Kurti në Syri.tv