Të kesh për kafshë shtëpiake, një gjarpër. Mund të duket diçka e pamundur por jo për Anisën. Ajo është police, në qytetin e Elbasanit.

Nëse mendoni se armët janë hobi dhe pasioni i saj, e keni gabim. Gjarpri është miku më i mirë i polices.

“Nuk është e shëndetshme që gjarpëri të qëndrojë më shumë se gjysmë ore në ditë jashtë vivariumit të vetë. Mund t’i shfaqet ndonjë sëmundje dhe këtu s’kam ku e çoj, prandaj mundohem të jem e kujdesshme me këtë pjesë”, thotë ajo.

Anisa tregon se gjarpëri ka ardhur nga Kolumbia. Tani që është i vogël, gjatësia e tij është 1 metër e 20 centimetra dhe ndërrimi i lëkurës ndodh më shpesh.

Mund të jetojë deri në 25 vite dhe gjatësia e tij mund të shkojë deri në 2 metra e gjysmë.