Ambasadori gjerman, Jorn Rohde, ka mirëpritur miratimin e rezolutës për Kosovën nga Parlamenti Europian dhe fjalimin e Raportueses për Kosovën në Parlamentin Europian, e cila ka hartuar raportin për Kosovën.

“Mirëpresim raportin e Parlamentit Europian dhe këto fjalë të qarta nga Viola von Cramon për liberalizimin e vizave, reformat, sundimin e ligjit, implementimin e Gjykatës Kushtetuese për Manastirin e Deçanit, dialogun dhe rrugën e Kosovës drejt integrimit Europian”, ka shkruar ambasadori gjerman.

Welcome the ?? Parliament’s report and these clear words by @ViolavonCramon on visaliberalisation, reforms, rule of law, implementation of the CC judgement on Decani and the Dialogue on ??path towards EU integration
? https://t.co/xJtqjJWrud

Lexo edhe:

Dhuna në Zveçan ndaj ushtarëve të KFOR-it, Barduani: Presim që përgjegjësit të sillen para drejtësisë

Vdes një 62-vjeçar në Gjilan, iu përkeqësua gjendja derisa po udhëtonte

Hamza për kandidatin e PDK’së në Mitrovicë: Arian Tahiri është kryetari i ardhshëm

— Ambassador Jörn Rohde (@GermanAmbKOS) July 6, 2022

Parlamenti Europian ka miratuar rezolutën ku thuhet se marrëveshja përfundimtare midis Kosovës dhe Serbisë duhet të “bazohet në njohjen të ndërsjellë”.

Kjo është hera e parë që në një dokument të institucioneve evropiane përmendet njohja reciproke. Pesë shtete të BE-së nuk e njohin Kosovën, por PE-ja është institucioni i vetëm që e trajton Kosovën si shtet, raporton Gazeta Express.

“Raportet me Serbinë duhet të normalizohen përmes marrëveshjes e cila duhet të bazohet në njohjen e ndërsjellë”, tha deputetja gjermane, Viola von Cramon

Në raportin për Kosovën sërish bëhet thirrje për liberalizimin e vizave.

Megjithatë, rezolutat e miratuara nuk janë dokumente obliguese për shtetet e BE-së.

Në seancën e PE-së u miratuan raportet për Kosovën, Serbinë dhe Bosnjë e Hercegovinën. Në tri raportet u bë thirrje për mbështetje të perspektivës evropiane të këtyre vendeve.