Mbërrin në selinë blu, kryetari i Partisë Demokratike, Sali Berisha. Ai është pritur me ovacione nga protestuesit.

Berisha nuk ka dhënë një deklaratë për mediat, por ka përshëndetur protestuesit.

“O Sali o hero, gjithë Shqipëria ty të do”. Kjo është thirrja e protestuesve teksa Berisha u fut në seli.

Sot në orën 19:00 do të zhvillohet në bulevardin “Dëshmorët e Kombit” protesta e opozitës e thirrur nga Sali Berisha. Mësohet se Partia Demokratike ka kërkuar 2 orë leje në policinë e Tiranës.

Mbi 1000 efektivë të policisë do të jenë të angazhuar në terren mes të cilëve forca të rendit, të Ndërhyrjes së Shpejtë, repartit Shqiponja dhe punonjës të Gardës. /euronews/.