Ministria e Shëndetësisë ka njoftuar se në 24 orët e fundit është regjistruar një rast i vdekjes dhe 763 raste të reja me Covid-19 në Kosovë. 

Aktualisht, janë 2,184 raste aktive të të infektuarve me këtë virus, transmeton Gazeta Online Reporteri.net.

Në këto 24 orët e fundit janë shëruar gjithsejt 213 individë ndërkaq janë bërë 2 mijë e 30 testime.

IKSHPK ka dalë me apel që qytetarët t’i mbajnë maskat në ambiente të mbyllura dhe të vaksinohen në mënyrë që të parandalohet përhapja e mëtejme e virusit. /Reporteri.net/.