Kryetari i Komunës së Prishtinës, Përparim Rama, ka dalë në terren për të parë korrje-shirjet në disa fshatra të komunës që ai udhëheq.

Rama ka postuar disa fotografi në Facebook dhe ka njoftuar se ka përcjellur procesin e korrje-shirjeve të grurit në fshatrat Barilevë e Drenoc.

“Në fshatrat Barilevë e Drenoc, bashkë me Drejtorin e Bujqësisë, z. Plator Gerdovci, përcollëm procesin e korrje-shirjeve të grurit. Zhvillimi rural i Kryeqytetit vazhdon të jetë prioritet për ne, prandaj do të vazhdojmë t’i përkrahim kultivuesit e kulturave bujqësore në Prishtinë për të maksimalizuar rendimentet e punës së tyre”, Rama.