Kryeministri i Shqipërisë, Edi Rama, e ka cilësuar si një ditë historike këtë të sotmen, që përkon me konferencën e parë ndërqeveritare për hapjen e negociatave të anëtarësimit në BE të Shqipërisë dhe Maqedonisë së Veriut.

Rama mesazhin e tij e ka ndarë në Facebook, bashkangjitur me një fotoalbum mes krerëve të unionit.

Ndryshe, Shqipëria dhe Maqedonia e Veriut, u ulen sot në të njëjtën tryezë me vendet anëtare, në Konferencën e parë ndërqeveritare, duke shënuar kështu nisjen e procesit të bisedimeve për anëtarësim, pas një kalvari të gjatë priteje, zvarritjesh dhe pengesash.