Kryeministri Ramush Haradinaj ka reaguar pas vendimit të Këshillit Shtetëror të Cilësisë për mbylljen e tre Universiteteve për një vit, atij të Prizrenit, Pejës e Mitrovicës.

Ai e ka quajtur të papranueshëm vendimin duke thënë se ndaj këtij rasti do të veprojnë menjëherë, duke ndërmarrë hapa konkret në zgjidhjen e kësaj situate, shkruan Reporteri.net.

Postimi i Haradinajt:

Është i pa pranueshëm vendimi i Këshillit Shtetëror të Cilësisë për mbylljen e tri Universiteteve Publike; atij në Pejë, në Mitrovicë dhe në Prizren.

Si kryeministër i vendit, e konsideroj të padrejtë mohimin e mundësisë për regjistrim të studentëve, duke ua humbur atyre vitin.

Ndaj këtij rasti do të veprojmë menjëherë, duke ndërmarrë hapa konkret në zgjidhjen e kësaj situate.