×
  • Sport
  • Sport

    Formacioni i mundshëm i Ballkanit për ndeshjen e parë në grupe të Ligës së Konferencës

    Reporteri
    08 Shtator 2022 | 11:29

    Ballkani do të përballet me CFR Cluj në xhiron e parë të grupeve të Ligës së Konferencës.

    Kampioni në fuqi i Kosovës ka arritur suksesin historik duke u kualifikuar në grupe të një gare të madhe evropiane.

    Suharekasit ndeshjen e parë do ta zhvillojnë në stadiumin ‘Fadil Vokrri’ ndaj Cluj me fillim nga ora 18:45.

    Mungesa më e madhe për vendasit në këtë takim është ajo e kapitenit Edvin Kuc i cili pësoi një tërheqje muskulore në derbin ndaj Prishtinës.

    Trajneri i Ballkanit, Ilir Daja nuk pritet të bëjë ndryshime të mëdha nga ndeshja e fundit që suharekasit e zhvilluan ndaj Prishtinës.

    Në portë pritet të jetë Stivi Frashëri, derisa katërshja e mbrojtjes do të përbëhet nga Armend Thaqi, Lumbardh Dellova, Bajram Jashanica dhe Astrit Thaqi.

    Vendin e kapitenit Kuc do ta zë në mesfushë Qëndrim Zyba së bashku me Lindon Emërllahun, derisa në ofensivë pritet të jetë katërshja e madhe Meriton Korenica, Nazmi Gripshi, Ermal Krasniqi dhe Albion Rrahmani.

    Formacioni i mundshëm i Ballkanit:

    Frashëri, Ar.Thaqi, Dellova, Jashanica, As.Thaqi, Zyba, Emërllahu, Korenica, Gripshi, Er.Krasniqi, Rrahmani.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!