Kryeimami i Pejës, Enes Goga, është intervistuar të hënën nga hetuesit policorë në stacionin e Policisë në Pejë.

Lajmin për Reporteri.net e ka konfirmuar vetë imami Enes Goga.

“Po është e vërtetë që jam intervistuar. Bashkë me mua është intervistuar edhe sekretari dhe nesër do të intervistohet edhe kryetari i BIK-ut në Pejë”, ka deklaruar shkurt Enes Goga për Reporteri.net.

Ky intervistim nga policia ka ardhur pas denoncimit të bërë nga Zyhdi Hajzeri, ish-imam në xhaminë “Tahtali Xhami”.

Enes Goga ishte akuzuar më parë për veprat që lidheshin me terrorizmin. Por, ai ishte shpallur i pafajshëm në maj të vitit të kaluar nga Gjykata e Prishtinës.

Ai ishte i akuzuar bashkë me Fuad Ramiqin dhe imamë të tjerë./Reporteri.net/.