Një aksident trafiku ka ndodhur para pak minutave në magjistralen Prishtinë-Fushë Kosovë. Një veturë ka goditur dy këmbësorë. 

Rastin për Reporteri.net e ka konfirmuar edhe Flora Ahmeti, zyrtare për informim në Policinë Rajonale në Prishtinë.

“Sot rreth orës 14:30 kemi pranuar informatën për një aksident trafiku në rrugën Prishtinë -Fushë Kosovë. Në aksident kanë qenë të përfshirë një automjet dhe dy këmbësorë. Si pasojë e aksidentit lëndime trupore kanë pësuar dy këmbësorët”, ka thënë Ahmeti për Reporteri.net.

Ajo thotë se të njëjtit janë dërguar për tretman mjekësor.

“Me rastin po merret njësiti i trafikut”, ka deklaruar Ahmeti. /Reporteri.net/.