Ish-komandanti i UÇK-së dhe ish-kryetari i Komunës së Skënderajt, Sami Lushtaku ka thënë se e ka pranuar me shqetësim lajmin për ftesën që i është bërë nga Gjykata Speciale, Ramush Haradinajt.

Lushtaku në reagimin e bërë në Facebook, ka thënë se lufta e UÇK-së ka qenë e drejtë dhe e pastër dhe si e tillë është dëshmuar në vazhdimësi para gjykatave vendore dhe ndërkombëtare.

Lushtaku ka pohuar se Ramush Haradinaj do të dalë fitimtar edhe në këtë betejë.

“Nderi i Kryeministrit dhe Shtetit duhet të ruhet dhe unë nuk e poshtëroj asnjëherë. Në Hagë si Ramush Haradinaj do t’i dal përball shpifësve, ashtu si e kërkon nderi i luftëtarit shqiptar. Pastërtia ime dhe e luftës së UÇK-së, e konfirmuar nga dy aktgjykime nuk mund të njolloset nga askush dhe asnjëherë”, ka thënë Lushtaku.