Mediat në Serbi raportojnë se pas dorëheqjes së Ramush Haradinajt nga posti i kryeministrit, presidenti i Serbisë Aleksandar Vuçiq është takuar me kryetarin dhe anëtarin serb të Presidencës së Bosnjë dhe Hercegovinës, Milorad Dodik dhe bashkëpunëtorët e tij.

Sipas tanjug, në takim kanë marrë pjesë edhe ministri i Mbrojtjes së Serbisë, Aleksandar Vulin, ai i Brendshëm, Nebojsha Stefanoviq, drejtori i të ashtuquajturës Zyre Serbe për Kosovën, Marko Gjuriq dhe sekretari i Përgjithshëm i presidentit serb, Nikola Selakoviq.

Raportohet se Vuçiq pritet që nesër të reagojë rreth dorëheqjes së shefit të ekzekutivit kosovar Ramush Haradinaj.