Zinedine Zidane ka konfirmuar se uellsiani, Gareth Bale do të largohet nga klubi për t’iu bashkuar një klubi tjetër.

Real Madridi u paraqit sot ndaj skuadrës së Bayernit të Munichut, ndeshje të cilën e humbi me rezultat 3:1, ndërsa Gareth Bale nuk luajti fare në këtë ndeshje, shkruan Reporteri.net

Pas përfundimit të ndeshjes, Zinedine Zidane u pyet për mosaktivizimin e uellsianit, ndërsa francezi ka qenë shumë i ashpër me futbollistin.

“Bale është lënë jashtë sepse do të largohet nga klubi”.

Ai u pyet për datën se kur do të largohet uellsiani:

“Sa më herët që largohet, aq më mirë. Nëse mund të shkojë nesër, do të ishte mrekulli”, ka thënë Zinedine Zidane.

“Nuk kam asgjë personale, nuk kam asgjë kundër Bale, por unë marrë vendime, vjen koha kur duhet të ndryshosh dhe është mirë që ai të largohet. Largimi është vendim i trajnerit dhe gjithashtu i futbollistit, i cili e njeh situatën”, ka përfunduar francezi./Reporteri.net/