Trajneri i Dinamo Bukureshtit, Eugen Neagoe, pësoi sulm në zemër derisa po qëndronte në bankë në humbjen e skuadrës së tij ndaj Craiova të dielën, por gjëja e parë që ai e kishte thënë pasi ishte zgjuar, ishte “cili është rezultati i ndeshjes?”
Ai u mor nga një ambulanca në fushën e lojës dhe u dërgua urgjentisht në spitalin më të afërt.
51-vjeçari i tejkaloi momentet kritike dhe komunikoi me të tjerët në spital, sipas mediave lokale.
Fjalët e para që trajneri ua kishte thënë doktorëve në spital ishin, “cili është rezultati i ndeshjes?”.
Worrying scenes at Dinamo – Craiova! Dinamo manager Eugen Neagoe has been taken to hospital in an ambulance after collapsing during the game with a suspected cardiac arrest. #Liga1 pic.twitter.com/18yvvt4S4B
— Alecs Stam (@AlecsStam) July 21, 2019
I tërë ekipi i Dinamos pritet ta vizitojë atë në spital, tani pasi ai është në gjendje stabile dhe i është kthyer vëmendja e plotë.
Një doktor në spitalin Floreasca foli për media për gjendjen e trajnerit.
“Ai është në gjendje stabile dhe po monitorohet. Nuk mund t’ju them se çfarë ndodhi në ambulancë. Ai u soll këtu i vëmendshëm dhe në gjendje stabile sa i përket funksioneve vitale”, shtoi ai.
Neagoe pësoi sulm në minutën e 25-të të ndeshjes, e cila pas largimit të tij në drejtim të spitalit vazhdoi dhe Dinamo humbi 2:0.