Ka përfunduar mbrëmë ndeshja hapëse e Kampionatit Botëror “Katar 2022”.

Ndeshja hapëse e këtij turneu u zhvillua mes shtetit nikoqir, Katarit dhe Ekuadorit.

Në “Al Bayt Stadium”, ndeshja e djeshme i takoi kombëtares ekuadoriane me rezultat 0:2.

Njëherit kjo ishte edhe ndeshja e vetme e ditës së parë të Kampionatit Botëror “Katar 2022”.

Ndërkaq, sot (e hëne) do të zhvillohen gjithsej tri ndeshje.

Dita e sotme nis me ndeshjen e grupit B mes Anglisë dhe Iranit nga ora 14:00.

Pas kësaj, luhet ndeshja e dytë e grupit A mes Senegalit dhe Holandës nga ora 17:00.

Dhe për fund, nga ora 20:00, në kuadër të grupit B, luhet ndeshja ShBA – Uells.