Kanë përfunduar edhe ndeshjet e sotme në Kampionatin Botëror. Japonia dhe Spanja janë kualifikuar nga grupi E në 1/8 e finales.

Anipse Japonia e mposhti Spanjën, me rezultat 2-1, prapëseprapë të dy ekipet u kualifikuan tutje nga faza e grupeve, shkruan Gazeta Online Reporteri.net.

Ndërsa Gjermania, edhe pas fitores gati bindëse, me rezultat 4-2 ndaj Kosta Rikës, nuk ia doli që t’i grumbullojë pikët e nevojshme për në 1/8 e finales.

JAPAN ARE THROUGH TO THE ROUND OF 16 AS GROUP WINNERS ? pic.twitter.com/9gbBb8txzU

— GOAL (@goal) December 1, 2022

Kësisoj, Gjermania edhe njëherë tjetër, eliminohet në fazën e grupeve.

Në 1/8 e finales, Japonia do të përballet me Kroacinë kurse Spanja kundërshtar do ta ketë Marokon.

Ndeshja Japoni-Kroaci do të luhet të hënën ndërsa ajo Spanjë-Maroko të martën. Të dyja ndeshjet do të zhvillohen në orarin e orës 16:00. /Reporteri.net/.