Pavarësisht paraqitjeve të mira në miqësoret para-sezonale, trajneri i Baselit Marcel Koller nuk është bindur për ta ftuar Edon Zhegrovën së paku në 18-shen e parë të ekipit.

Talenti Kosovar u la jashtë ekipit në sfidën që ekipi i tij e humbi 3-2 nga PSV të marten mbrëma për turin kualifikues të Ligën së Kampionëve, shkruan Reporteri.net.

Kjo është hera e dytë brenda pesë ditëve që i ndodh e njëjta gjë yllit kosovar.

Në ndeshjen hapëse të sezonit të ri të Superligës zvicerane, Baseli fitoi pastërt 4-1 ndaj Sion, por Zhegrova u la jashtë skuadrës.

Kujtojmë se 20-vjeçari është i huazuar te ekipi zviceran me të drejtë blerje nga Genk.